«Абай бейнелеу өнерінде» атты кездесу

Абай білім ордасында қазақ тілі мен қазақ әдебиеті апталығы аясында ерекше мәні бар мәдени іс-шара ұйымдастырылды. «Абай бейнелеу өнерінде» тақырыбында белгілі иллюстратор, қылқалам шебері, Қазақстан Суретшілер одағының мүшесі Алмас Сырғабаймен кездесу өтті. Кездесу барысында суретші Абай әлемінің бейнелеу өнерінде қалай суреттелетіні, оның шығармашылығындағы идеялар мен тұлғалық болмысы суреттерде қалай көрініс табатыны бойынша ой бөлісті. Сондай-ақ А. Болатханұлы өз жұмыстарының ерекшеліктерін, әсіресе кітап безендірудегі қолтаңбасымен таныстырып, қатысушылардың сұрақтарына жауап берді. Іс-шараға мектеп ұстаздары, оқушылар Абай мұрасын жаңа қырынан тануға мүмкіндік алды. Кездесуде Алмас Сырғабай өзінің еңбектерін көрсетіп қоймай, Абай бейнесін салған жас суретшілерге шығармашылық шабыт пен құнды кеңестер берді. Суретші адам бейнесін салуда пропорция заңдылықтарын меңгерудің қажеттігін түсіндіріп, кішігірім шеберлік сағатын өткізді. Сурет байқауының қорытындысын шығарып, нәтижесінде Абайдың “Ескендір” поэмасы ойынша ойларын қағазға түсірген Бірлікқызы Асыл 1-орынмен марапатталды. Сайысқа қатысқан өзге де оқушыларға грамоталар табысталып, естелікке суретке түсті. Белгілі суретші Алмас Болатханұлы Сырғабаймен өткен кездесу ұмытылмастай, қызықты болды.