«Ұлттық ойын – асыл мұрамыз» атты ұлттық ойындар
Қазақтың бас ақыны Абай Құнанбайұлының туғанына 180 жыл толуына орай “Өркен” балалар мен жасөспірімдер дене тәрбиесі орталығымен бірлесе өткізілген қалалық «Ұлттық ойын – асыл мұрамыз» атты ұлттық ойындар жарысы өтті. Жарыс қол тірес, гір тасын көтеру, арқан тартыс, оқтау тартыс, тоғызқұмалақ, асық ату, қазақ күресі сынды ұлттық ойын түрлерінен ұйымдастырылды. Жарысқа 98-мектеп-лицей, 82 Дарын мектеп-лицейі, Фариза Оңғарсынова атындағы 77 мектеп-гимназия, Ақселеу Сейдімбек атындағы 54 мектеп-лицейі, Жамбыл Жабаев атындағы 4 мектеп-гимназия, Смағұл Сәдуақасұлы атындағы 78 мектеп, 62 мектеп-лицей, Абай Құнанбайұлы атындағы 87 мектеп-гимназия, Арқа алаң спорт клубы, Хас батыр спорт клубы, Алатау спорт клубының командалары қатысты. Жарыс қорытындысы бойынша, командалық есепте Абай Құнанбайұлы атындағы 87 мектеп — 1 орын, Фариза Оңғарсынов атындағы 77 мектеп — 2 орын, Жамбыл Жабаев атындағы 4 мектеп — 3 орын иеленді.